Sport

Torsdag er prøvedag før studio 1 skal verkeleg i elden i morgon. Då er det (som dei fleste veit) opningsseremoni. Kva forhold har du som les dette til opningsseremoniane frå sommar-OL. Kva hugsar du best, kva tykkjer du ein seremoni bør innehalde og kva forventningar har du til det kinesarane har snikra ihop?

Eg hugsar best flygemannen frå Los Angeles i 1984. Ein åtteårig sunnmøring fekk tårer i augene… ei slik flygedrakt ville eg óg ha. (Eg ville vel ha blese midtfjords på ni av ti flygingar, ha-ha.) Vi skal ha eit kort gjensyn med den amerikanske flygemannen på sendinga før opningseremonien i morgon.

I mellomtida legg eg inn nokre ferske bilete frå i dag føremiddag.

Les videre →

Sminkepersonalet er ei særs kompetent arbeidsgruppe i NRK. Dei legg på masker i store dramaproduksjonar, dei sminkar skodespelarar, dei sminkar programleiarar og dei klipp håret til ein nettmann som skal fjonge seg på fjernsynet. Dette er arbeidsplassen deira.

Les videre →

Som lova, her kjem bileta av den framifrå programleiaren Hanne Marie Breivik, saman med fotograf Knut Eilif. Stor idrett!

Ekstremt mange planleggingstimar, altoppslukande logistiske utfordringar og eit gigantisk persongalleri. I dag skulle alt få si utløysning, fotballkamp mellom Noreg og USA.

Prosjektleiar Sjur Molven har sove godt heilt fram til i dag tidleg. Då kom smellen, klumpen som representerar frykt for nederlag, at dei 12 fjernsynslinjene frå Beijing skal falle saman, at teknikken i Oslo skal falle ihop. Her har Sjur eit stille øyeblikk for seg sjølv like før sending.

Ting har byrja å spisse seg til. Ein kan kjenne ei spesiell sitring, ein elektrisitet kun nokre augneblunk før OL 2008 brakar laust.

Korleis OL skal bli sjåande ut for dykk lisensbetalarar/ og dykk som ikkje betalar lisens, det blir diskutert over ein lav sko/ brødskive.

Les videre →

Vår framifrå tekniske stab held i dag fram med i klargjere studio. Stilen er streng, innhaldet blir mjukt. Bileta er tatt utan studiolys, difor ser det førebels litt TVRomania 1973 ut.

Les videre →

Eg er ein mann som er over snittet interessert i sport og idrett. Kva er forresten skilnaden på sport og idrett? Slike spørsmål ønsker eg vi kan diskutere i denne bloggen.

I tillegg vil eg oppmoe om at du kjem med di personlege historie frå sommar-OL. Etter beste emne vil eg poste innlegg etterkvart som leikane i Kina held fram. Svar på disse vil eg presentere i sendingane på fjernsynet. Velkommen til vår elektroniske olympiske herjeplass på verdsveven.