Jonas Aslaksen, men artisnamnet Jonas Alaska, er kåra til årets nykommar under kveldens Spellemann-utdeling.

- Eg har ikkje skrive takketale, det er så flaut å gå rundt med det i lomma dersom eg ikkje vinn, sa han i sin takketale.

Han valde likevel å takka produsentane sine, familie og venner – medan ein spesiell takk gjekk til bror Thomas Asklaksen, for å ha «sparka opp dører og holde dei opne».

Då nominasjonane til prisutdelinga vart kjend førre månad, var det mange som beit seg merke i at den Alaska var nominert i heile tre kategoriar – mannlege artist, teksforfattar og nykommar. Slik kommenterte P3s musikksjef Mats Borch Bugge den unge artisten den gong:

- Jonas Alaska har laga eit heilstøypt debutalbum, og vunne mange sine hjarter – ikkje bare anmeldarane sine. Han representerer ein ny type unge artistar som ber “generasjon alvor”-hatten med truverde.

Borch Bugge hadde då særleg tru på Alaska i Nykommer-kategorien – og treng ikkje gå tilbake på den spådommen.

Har du lyst til å sjå Jonas Alaska spela live – heilt gratis? Bli med på Lydverket-innspeling!

Gjennombrotsår

2011 var absolutt eit godt år for musikaren Jonas Alaska. Han drog tidleg på seg eit solid liverykte, fekk ein P3-hit med låta ”In The Backseat” og gjorde unna den eine store festivalkonserten etter den andre. Då det sjølvtitulerte debutalbumet kom på hausten, skreiv Lydverkets anmeldar mellom anna:

Høydepunktene inkluderer suverene “October”, en svært personlig, befriende konkret og helt usentimental historie om en bekjent som druknet i en båtulykke, og hjemlengselshymnen “Morning Light”, der Alaska over et spartansk klimprekomp demonstrerer hvordan det kunne hørtes ut om D’Angelo var født og oppvokst på Åmli. “In The Backseat” og “Elena” er nevnt; føy til elegiske “Aberdeen”, og du har en håndfull låter norske singer-songwritere med fordel bør forholde seg til i tiden som kommer.

Les heile anmeldelsen her: I førersetet

Heime hjå Jonas Alaska

I fjor haust vart Lydverket med Alaska til heimbygda Åmli i Aust-Agder. Her fortalde han korleis han kopla av med fisking og skating, sin gamle jobb på sagbruket og korleis han har fått inspirasjon til fleire låtar.

Sjå reportasjen her:

Tidlegare på kvelden har Ane Brun vunne prisen for årets kvinnelige artist, medan Jarle Bernhoft vart årets mannlege. Ein svært overraska Jan Eggum vart overrakt den ærefulle hedersprisen av resten av Gitarkameratane.

Tags: 2011, årets nykommer, Jonas Alaska, spellemann