No har eg sett det og. Ei trillebår for folk med virus på balansenerven.
I dag gjekk eg gjennom den vakraste, vesle byen eg har sett: Saint-Sulpice-sur-Cèlè. Trykk på les meir, så skal du få sjå bilde derifrå. Men på vegen kom eg altså forbi denne hagereiskapen her (bildet): Les videre
No skjønar eg kvifor den masete verten ville at eg skulle velje varianten (som betyr alternativ rute) gjennom Cèlè-dalen. I dag kom idyllane som perler på ei snor. Men det vart ein hard dag: Skrenten på bildet (150 høgdemeter) gjekk eg opp og ned tre gonger i dag.
Sjekk den lange skuggen min. Bildet er tatt 0700 om morgonen, ti minutt seinare var eg på farten.
Ekte kjærleik
I Bord, litt før Figeac, traff eg Gerard og Martine. Dei hadde vore gift i 45 år, og Martine hadde alltid hatt så lyst til å vandre caminoen. Så fekk Martine slag, eitt år før dei skulle gå. Lammelsar i venstre foten gjorde det tungt for henne.
– OK, sa Gerard, då ber eg bagasjen for oss begge, og så leier eg deg med eine handa, og i den andre kan eg bære ein sparkesykkel, så du kjem deg litt lettare fram der det er asfalt. Så då gjorde dei det. Det kallar eg ekte kjærleik.
Eg møtte han i Faycelles, ein vakker ung mann, som sat så idyllisk til på ein mur med utsikt over Lot-dalen, at eg måtte berre ta bilete av han. Men sjekk det fottøyet: Badetøflar. Han hadde ikkje andre sko enn det. Les videre
Det er klekketid for larvar om dagen. desse reira var fulle av egg for nokre dagar sidan. No heng larvane i lange trådar langs stien, klare til å klaske i fjeset på uoppmerksomme vandrarar.
Syns du dette er ekkelt? Trykk les resten av dette innlegget, så skal du få sjå kva som er ekkelt...
Eg helte litt sukker på yoghurten, og då smakte det nesten som rømmegraut.
Det begynte allereie ved oppstilling til morgontoget. Musikkorpset var ikkje der, skuleelevane hadde visst gløymt det, det var faktisk berre eg som stilte opp. Klokka halv ni tromma eg ein liten oppmarsj på gelenderet, og så begynte eg å marsjere. Men då kom verten springande ut: Eg hadde gløymt å skrive i gjesteboka. Les videre
Aurillac, Livinhac og Maurs: Den retningen. Den andre retningen: Andre retningar. Bombe.
Litt av kvart Les videre
Eamon og Eamor frå Irland skal heim i dag. Dei er veldig bekymra for oskeskya frå Island.
Klestørk i herberge-hagen. Passelig hardt arbeid.
