Propaganda frå My Chemical Romance?
Har me alle blitt lurt trill rundt? Finn ut kva låt som får den konservative talk show-verten Glenn Beck til å sjå raudt her.
Den særs konservative, og kontroversielle, TV- og radioverten Glenn Beck, har kasta seg over ein ny trussel mot dei amerikanske kjerneverdiane: My Chemical Romance. Etter å ha sett ein episode av TV-serien Glee, der bandets låt «Sing» vart framført av dei vakre tenåringane, var auga til Beck vidopna. I sitt talkshow, som gjekk på lufta førre veke, fortalte Beck om korleis han ikkje let seg lura av den briljante produksjonen, dei perfekte vokalprestasjonane, den medrivande synkrondansen – han lytta til teksten. Og den var sjokkerande.
Beck meiner at «Sing» er rein propaganda: «Dette er ein anthem som seier «Bli med oss!» Korleis kan du og eg vinne mot dette?» Akkurat kva «Sing» skal vera propaganda for kjem ikkje heilt klart fram, en resonnementet verkar å vera noko slikt som at låta, når den vert framført i den hyperpopulære TV-serien, er med på å fremja alle dei galne verdiane: Ungdommeleg sex, manglande moral og promiskuøs oppførsel. Og korleis kan sunn fornuft konkurrera mot dette?
Sjå klippet her:
Så nøye som Beck seier han har lytta til teksten, er det ein smule ironisk at han ikkje har fått med seg kva den faktisk seier. Han trekk frem linjene «Children that can talk about it/Living on the railways/ People moving sideways», når teksten eigentleg seier «Living on the webways« – som eit bilete på internett. Det han heller kanskje ikkje har blitt fortalt, er at My Chemical Romance har brukt singelen til å samla inn pengar til ofra etter katastrofa i Japan.
Gerard Ways, frontfigur i My Chemical Romance, la i helga ut eit innlegg på bandets heimeside der han tok til motmæle mot Becks tolking av «Sing». Der skriv han mellom anna:
«(…) Eg veit ikkje kva det skulle vera propaganda for. Sanning? Kjensler? Og eg kan ikkje sei kva det er som gjer han mest sint – at dette er slik eg føler for den stadige steriliseringa av vår kultur, eller at det vert vist på TV, så alle får høyre om det.»
Dette er langt frå fyrste gong Glenn Beck har latt seg sjokkera av populærkulturen. Radioklippet der Beck, med sidekick, oppdagar at Brice Springsteens «Born In The USA» slett ikkje er så patriotisk som dei alltid har trudd, er for lengst legendarisk – og hysterisk morsomt:
Beck har også latt sitt analytiske blikk sveipa over The Beatles-klassikaren «Revolution», og konklusjonen er grim: The fab four ville snikinnføra marxisme. Beviset ligg i tekstlinjene «You say you want a revolution / Well, you know / We all want to change the world / You tell me that it’s evolution / Well, you know / We all want to change the world».
Han meiner nemleg at om ein kjenner historia til dei progressive – og marxistar og progressive er i bunn og grunn det same – veit ein at dei ikkje trengte noko revolusjon – heile planen deira var sakte utvikling, som til slutt skulle forandre verda. Det er vanskeleg å sei kva som skurrar mest her – forståinga av teksten, eller forståinga av marxismen.
Fleire musikkanalysar frå Glenn Beck kan du lesa her!
Tags: glee, Glenn Beck, My Chemical Romance, Propaganda, Sing
For en tulling. Haha.
-Alt dette handler bare om den delen foreldregenerasjonen som er livredde for at ungene sine har sex, og tar sjanser.
Ignore
Litt off topic,men hvorfor sier bildeteksten My chemical romance på hove-festivalen,når det vitterlig er et bilde av bare vokalisten?
Haha, bra artikkel!
Glenn Beck er gæren, men har heldigvis fått sparken
Åå, jeg kunne skrevet side opp og side ned med motargumenter mot Glenn Beck og det han sier. Men jeg tenkte å holde meg til det som kom til meg med en gang. For det først, han FEILSITERER sangteksten. Det er som det står ikke railways, men webways, noe som er stor forskjell. Og for det andre så har han tydligvis ikke hørt hele sangen, dog eller resten av plata. Det er et konseptalbum, og selvom det ikke forteller en like sterk historie og bandet selv sier at det er ikke samme historiefortelling som The Black Parade, så er det basert på ren fantasi. MEN, selvom det er ren fantasi så betyr ikke det at tekstene ikke betyr noe veldig spesielt. For det gjør de, men SING er den som har den mest betydningsfulle og kan skape mest debatt rundt teksten i sangen. Men hallo, hør på begynnelsen.
«Sing it for the boys,
Sing it for the girls,
Every time that you lose it sing it for the world.
Sing it from the heart,
Sing it till you’re nuts,
Sing it out for the ones that’ll hate your guts.
Sing it for the deaf,
Sing it for the blind,
Sing about everyone that you left behind.
Sing it for the world,
Sing it for the world.»
Propaganda my ass
[...] serien om konservative amerikanarars tolkingar av populærkulturen, er turen no komen til Common, rapartist og skodespelar, og hans besøk til Det kvite [...]