Det starta med ein releasekonsert i ein glissent besøkt kjellar på Garage i Bergen. Året etter spela Kaizers Orchestra på Øya festivalen for 8.000-10.000 mann, som headlinarar.

- Me har gått gradene. Det har heile vegen vore utfordrande og nye steg å ta i trappa mot større suksess og høgare prestasjonar, seier Janove Ottesen.

Dei store dressane frå Fretex og billig hårfarge er det dei hugsar best frå 2001. Vendepunktet for bandet skjedde då dei fekk reise på turne som oppvarmingsband for Morten Abel i 2002. Dei reiste land og strand med finale i Oslo Spektrum med to utselde konsertar.

- Plutseleg var me hekta på eit stort sirkus. Det var crew, masse folk som geleida deg rundt og fortalte deg kvar du skulle stå, gå og kva du skulle ete. Me kjente vel alle at dette var noko me lett kunne venne oss til.

Det toppa seg like etter turneen med Abel når dei nådde førsteplass på VG-lista med «Ompa til du dør».

- Me har vært flinke til å følge vår egen smak. Me er kjende for å blande forskjellige element i musikken vår. Eg er berre happy for at me klarte å få dette til allerede på debutalbumet og ikkje på album nummer tre. »Ompa» definerte oss, seier Janove.

Frå å vere eit lite kredband vart bandet  brått allemannseige, og skeptikarar var tvilsomme til om bandet kunne følge opp suksessen med sitt neste album. Janove fortel Lydverket at det var problemer rundt den vanskelige andreplata.

- Då hadde me opplevd den eventyrlege reisa opp til toppen og så vart det liksom vanskeleg å finne sin plass der. Det var ein tung periode i studio og turneen gjekk ikkje så bra som me hadde forventa. Me hadde trudd det berre skulle gå videre inn i stratosfæren.

Det var på denne tida Janove fant ut at han ville prøve å gå solo. Han meinte det ville vere lett å lage låtar på kassegitar med tre akkordar. Janove kjepphøge haldning førte til gnisningar innad i bandet.

- Det kosta meg ingenting i forhold til å lage Kaizersmusikk som er meir krevjande. Derfor var eg sikkert litt cocky og me hadde eit møte i bandet der dei måtte jekke meg ned nokre hakk.

Geir Zahl legg ikkje skjul på at Janove ikkje var på sitt mest sympatiske i denne perioden og trengte å få høyre det.

- Me måtte prøve å få han til å innsjå at var fleire folk her, for han vart litt sånn åleine i sitt eige hovud, som kan skje når ein har suksess og er eit stort talent, som me syns han er. Det var ikkje plass til så mange andre enn han sjølv der ein periode.

Det var under denne påkjenninga at Maestro vart til.

- Alle erfaringar og opplevingar innvirkar. Me kom tettare og vart meir profesjonelle i perioden rundt Maestro.

Bandet som hadde håpa å få halde det gåande som rockestjerner i tre år, kan i år feire ti år med kanskje Noregs mest trofaste fans i ryggen.

- Det har aldri gått betre enn no. No har me eit kjempebra forhold heile gjengen og får jobbe med dei beste folka. Me har klart å halde det stabilt så lenge at ein kan kalle det ein livsstil.

HELE INTERVJUET MED KAIZERS ORCHESTRA SER DU PÅ NRK2 TORSDAG KL 21.30.

Tags: INternasjonalen, Kaizers Orchestra, Live, Lydverket, TV