Metallgruppa Mastodon har eit formidalbelt liverykte på seg, og no vert det endeleg dokumentert for ettertida: 15. mars kjem Live at the Aragon, eit CD/DVD-sett frå bandets konsert på Aragon Ballroom i Chicago hausten 2009. Her speler dei gjennom heile det fantastiske Crack The Skye-albumet frå 2009, i tillegg til spor frå Leviathan og Blood Mountain. Fansen får òg ein timelang tour-film med på kjøpet, som består av filmane som vart vist på scena bak bandet under konserten.

Sjå dei spela «Oblivion» frå Crack The Skye her:

Ein limited edition av livepakka er tilgjengeleg her. Sjekk også den offisielle traileren for utgivinga:

12. juni spelar Mastodon under Norwegian Wood-festivalen i Oslo, før dei reiser vestover og inntek Grieghallen i Bergen dagen etter. Dette vert fyrste gong bandet spelar eigen konsert på norsk jord sidan John Dee-gigen i 2005. Fansen har riktignok fått sin livedose gjennom festival- og supportjobbar, men ein kan ikkje undervurdera effekten av det å stå aleine på plakaten. Fjorårets Europaturné vart avlyst grunna sjukdom, så me kryssar fingrane for betre helse denne gongen!

Tags: Crack The Skye, Mastodon