Honningbarna spelte for eit fullsett Rockefeller under fjorårets by:Larm. Foto: Kim Erlandsen, NRK P3

Honningbarna spelte for eit fullsett Rockefeller under fjorårets by:Larm. Foto: Kim Erlandsen, NRK P3

Honningbarna opnar årets by:Larm

Det ligg an til sterke kjensler på Youngstorget når Honningbarna headliner festivalens fyrste dag neste veke.

Skrevet av:
Publisert 9:40 6 februar, 2012

Anders Askildsen Eikås på besøk hjå Lydverket i mars 2011. Foto: Kim Erlandsen, NRK P3

For eit knapt år sidan leverte Honningbarna det fleire – underteikna inkludert – meinte var blant dei aller sterkaste konsertane under fjorårets by:Larm-festival.

Sidan den gong har bandet både opplevd fantastiske oppturar – med Spellemannpris for debutplata La alarmane gå som den foreløpig siste i rekka – og ein knusande nedtur, då trommeslagar Anders Askildsen Eikås (20) omkom i ei bilulukke førre veke.

Les også: Musikk-Norge i sorg

Hjå NRK Urørt kan du leggja att ei siste helsing til Anders.

Etter denne tragiske hendinga var det på ingen måte sikkert at Honningbarnas planlagte konsert under årets by:Larm kom til å bli noko av. Bandet avlyste sine andre konsertar for vekene framover kort tid etter ulukka.

No er det likevel klart at Honningbarna headliner by:Larms opningskveld i Nokia-teltet på Youngstorget onsdag 15. februar.

Dette kjem fram i ei pressemelding festivalen sendte ut i dag. Konserten kan såleis bli fyrste trinn mot å følgja opp utsegnet bandet kom med onsdag førre veke:

«Nå som Anders er borte har vi stilt oss selv spørsmålet om vi skal fortsette eller ikke. Vi fortsetter og vi har Anders med i hjertene våre. Vi er Honningbarn, for pokker.»

Med seg på trommer har dei for kvelden Nils Jørgen Nilsen, Kristiansandgut og jamnaldrande kompis.

Les anmeldelsen frå by:Larm 2011: Øk det og styrk det!

Les også: - Vi vil redde verden

Det som vanleg gratis inngang i teltet på Youngstorget på festivalonsdagen. Det komplette programmet for kvelden ser slik ut:

20.30 – 21.15: Mathias Stubø Band
21.45 – 22.30: Oslo Ess
23. 00 – 23.45: Tim Christensen & the Damn Crystals
00.15 – 01.00: Honningbarna

Sjå Honningbarna spele «Til Ungdommen», live på Lydverket:

Tags: , , , ,

Del "Honningbarna opnar årets by:Larm"

Legg igjen en kommentar