Det er vanskeleg å komme unna Kanye West for tida: My Beautiful Dark Twisted Fantasy går sin seiersgang, fyrste smakebit av Jay-Z-samarbeidet Watch The Throne er akkurat lekka ut, han har kjøpt ein heil haug burgerrestauranter, han gjer seg klar til å dominera amerikanaranes Thanksgivingfeiring, ein stjernespekka konsert i NYC - og så vidare. Multitaskinga imponerer likevel ikkje alle: Quincy Jones blir direkte fornærma når nokon prøver å samanlikna han med Kanye West.

I eit intervju med Us Weekly blir den 77-år gamle stjerneprodusenten konfrontrert med parallellane mellom seg sjølv og West, og svarar med tilnærma forakt:

- Korleis det? Ingen sjans. Har han skrive for eit symfoniorkester? Har han skrive for eit jazzensemble? Kom an. Han er berre ein rapper. Det kan ikkje samanliknast. Eg nedvurderer han ikkje, eller dømmer han eller noko, men me kjem frå kvar vår side av planeten. Eg har brukt 28 år på å læra meg det eg gjer. Eg rappar ikkje. Det er ikkje det samme. Ein produsent må ha ein form for dyktighet som gjer at han kan vera produsent. Det er noko heilt anna å vite kva ein skal gjera med 16 treblåsarar, frå pikkolofløyter til bassklarinett. Det er ein heilt anna måte å tenka på. Ingen samanlikning. Ingen.

Jones utdjupar med at West er ein veldig bra rapper, men at det er mange av dei. På spørsmål om det er nokon av dagens artistar som har samme gnist som Michael Jackson hadde, svarer han Ludacris, Usher og Akon (!).  Han uttrykker også respekt for Lady Gaga, som han kallar «Madonna jr».

Ludacris har, saman med Naturally 7 og Rudy Currence, tittelsporet på Quincy Jones si siste plate Soul Bossa Nostra. Sjå gjengen framføra den her:

På sine heimesider presiserer Jones at han ikkje ynskjer å disse Kanye, men at han etter 60 år i musikkbransjen ikkje syns det er urimeleg å setta samanlikningar mellom han sjølv og West i eit visst perspektiv.

Uansett, Kanye kjem nok til å segla i medvinden sin ei stund til. Heilt greitt for vår del - han har trass alt bygd vindmaskina sjølv. Og i mangel på oppdateringar på twitterkontoen hans den siste tida (vel, veka), kan me like gjerne posta nokon høgdepunkt frå Babelgum sin «Kids Reenact Kanye’s Tweets»-serie. Små ungar i shutter shades? Gjerne.

Tags: Akon, Kanye West, lady gaga, Ludacris, Naturally 7, Quincy Jones, Rudy Currence, Usher