Dronninga av dei britiske hitlistene for tida er 22 år gamle Adele. Hennar siste album 21 er inne i si sjette veke på salgstoppen, medan singelen «Someone Like You» for tredje veke på rad er øyrikets mest populære singel. Sidan lanseringa siste veka i januar har 21 solgt over éin million eksemplar, noko som pressar artistar som Jessie J og Beady Eye nedover på listene.

Samstundes opplever debutalbumet 19 ein renessanse, og førre veke hadde Adele både det mest – og det nestmestselgande albumet i Storbrittannia. Det der neste 12 år sidan det skjedde sist, melder Billboard – i 1999 låg The Corrs øvst på listene med albuma Talk On The Corners og Forgiven, Not Forgotten.

«Someone Like You» raste oppover listene etter Adeles opptreden på Brit Awards – sjå den her:

Også i USA er Adele i ferd med å gjere det stort – ho toppar no Billboard-lista etter den salsmessig beste fyrsteveka sidan Nicki Minajs Pink Friday kom ut i november i fjor. Eit interessant aspekt er at dette i all hovudsak er takka vere det digitale salet. 62% av albumeksemplara var kjøpt digitalt, noko som betyr at Adele ville trona øvst sjølv om ho ikkje hadde solgt éin einaste CD.  Til samanlikning vart berre 30% av ein annan storselgar, nemleg Justin Biebers Never Say Never: The Remixes kjøpt digitalt.

Tags: 19, 21, Adele, billboard, hitlister, rekord, salstal, someone like you, UK