Dál de lean mun ge leama? Guns N’ Roses konsearttas! In leat nu allat, ja in leat nu olu guldalan Guns N’ Roses musihka ovdalgihtii, muhto gal dat lei buorre lihkká.
Govva ovtta lahkai čilge mo mu konsearta vásáhus lei. Hui olu jietna, muhto ii nu buorre oaidnu. Lea varra juoidá masa ferte duhtat go boađat maŋŋit konsertii ja leat veahá unni. Dat muittuhii mu diimmá Roskilde, go ledjen Black Sabbath konsearttas. Moai leimme guovttes vuolgán raidui Black Sabbath konseartii. Raidu álgá sullii guokte diimmu ovdal konseartta. Ja moai beasaime gitta ovddabeallai lávddi. Muhto de álge váttisvuođat! Dieđusge ledje du??e guhkes albmát munno ovddabealde! Sii ledje garvodan náhkkebuvssain ja guhkes vuovttat vel ledje sis. Ja dieđusge galge munno ovdii čuo??ilit. Dát ledje viekka stuorra albmát, ja mun in gal dadjan maidege go čuo??iledje mu ovdii. Lean nuorra, muhto lean oahppan dajaldaga «Weight is right» dan dihtii.
Muhto mu olmmái Áike, válddii ovddásvástádusa, ja fiksii munnuide saji gitta ovddabeallái! Áike lei suodjalusas bavččadahttán čippi, muhto lei hárjehaddan gieđaid. Dasto lei hui álki Áike maŋis vázzit go son hoiggai eret stuorra black-metal olbmuid.
Muhto dán jagi ii lean Áike dás, ja fertejin duhtat čuo??ut stuorra olbmuid maŋábeal ja du??e gullat Axl Rose lavlumin. Dalle časkki nubbe jurdda oaivái: mun in dieđe Guns N’ Roses birra nu olu go ledjen jáhkán. Maŋŋá go ledje čuojahan Bob Dylan lavlaga Knockin’ On Heaven’s Door ja Sweet Child Of Mine de in ?at dovdan in ovttage lavlaga. Ledjen duođas jođus ruovttuluotta deike čállit go loahpahedje konseartta Paradise City ?uoŋain! Dalle de lei dat beakkán trøhkka!
Goalmmát jurdda mii iđii go čohkedin dása: Mun lean ovtta lahkai gullan Guns N’ Roses dál. Diibmá gullen Velvet Revolver, mas lea golbma dolo? Guns N’ Roses čuojaheaddjit. Ja vaikko lei jahki gaska de lean dál oaidnán Slash, Duff McKagan, Matt Sorum ja Axl Rose seamma lávddi alde!
Ihttin lea Kaizers Orchestra ja New Zealandda joavku Fat Freddy’s Drop vuorru mu beljjiid vuoidat musihkan. Muhto dalle ferten dál nohkat. Buorre idja!