Det er artig å samanstille det du skriv om vegstandarden i fylka våre, med det dei «innfødde» vestpå sjølve meiner. M.a. vert kork og ulykker på Rv 60 mellom Olden og Innvik trekt fram som eit kroneksempel på kor vanskeleg det er å få midlar til opprusting av viktige vegstrekningar i Sogn og Fjordane. På ein av landets viktigaste turistvegar er det ikkje plass tor to bilar å møtast

Ein nabo av oss i Utvik, som køyrer brus og øl over heile fylket viser også til store delar av Sunnfjord og Sogn der mykje av fylkesveg- og riksvegnettet bare tar éin bil i bredda. » Eg er nøgd, om eg kan sjå begge dei dei kvite stripene i sidespeglane samtidig» seier han, som ein kommentar til vegbreidda på dei kantar.

Og så fnys dei av telemarkinganes aversjon mot bompengar. «Vi har fått rusta opp nokre vegstrekningar hos oss» innrømmer fjordingane, «men jammen har vi måtte betale for det, og»
Og dei har nok eit poeng her. På vegen mellom Lærdal og Skei har ein inntil nyleg betalt 150 – 200 kr i bomavgift,sidan tidleg på nitti-talet. Og tunnelen mellom Fjærland og Kjøsnes (Rv 5) , vart i si tid forskotert av næringslivet lokalt. Er det vilje til slikt i Telemark?