redaksjon – Sport

Meir kinesisk NRK-kvardag

ole rolfsrud — Tue, 19 Aug 2008 08:20:30 +0000

Det er krevjande å vere reporter under ein slik meisterskap. Det blir ofte lange dagar med høgt tempo. Eg må likevel understreke at vi har den beste jobben i verda, iallfall topp-3. Vi er priviligerte som får jobbe med slike fantastiske idrettsmenn og kvinner, i eit eksotisk land der resultatet blir presentert for store delar av det norske folk. Legg ved nokre nye bilete frå Beijing tekne av den framifrå vaktsjefen Jan Petter Saltvedt.

Espen Graff vurderar eigen innsats etter intervju på handballarenaen.

Frøydis Faraj sminkar skeet-kongen. Jan Petter Saltvedt dyttar papir.

F.v. Aleksander Schau, Bengt Eigil Ruud, Thomas Aune med ståplass. Jan Petter Saltvedt og Line Andersen ved bordet. Tufte er i siget.

Ole Torp er NRK sin faste mann i Kina. Bi Sheng er fotograf/ redigerar/ tolk. Bra menn begge to.

Sjur Molven er redaksjonssjef. Den første veka jobba han i Oslo, no er han i Beijing og overvakar arbeidet derfrå. Her fjernstyrar han produksjonen frå IBC.

Matvanar og kleskoder

ole rolfsrud — Mon, 11 Aug 2008 08:44:31 +0000

Kantina var stengt i helga, ein kjent norsk pizzaleverandør gjorde store pengar på dét. Matvanane til redaksjonen minnar lite om toppidrett.

Dette biletet kjem frå redaksjonen i Beijing. Ein kreasjon der Bergen blir kombinert med kinesisk toppidrett. Voff- voff!

Dag Erik Pedersen debuterar i studio i dag. Det er særs kjekt at han er i form. Dag Erik er ein kjernekar. Legg merke til at begge objekta har armane i kryss. Eit tydelig teikn på at dei er skeptiske til fotoseansen;-)

Vi treng di musikkhjelp

ole rolfsrud — Sun, 10 Aug 2008 09:13:13 +0000

Inne på eit redigeringsrom på kongelig norsk fargefjernsyn sit Håvard Bergheim under denne meisterskapen. Bilete kombinert med musikk/ kommentarar blir trylla ut av redigeringsmaskina, nokon kallar det for ein kunstform. No treng han di hjelp.

OL i Beijing betyr fantastiske bilete av store prestasjonar, flinke folk, grasiøse rørsler. Kva musikkstykke/ låt kunne du tenkt å høyre kombinert med bilete frå Håvard? Send inn ditt forslag her og skriv kva idrett som burde vere hovudfokus i kunstverket. Det beste forslaget vil bli redigert av Håvard og vi sender resultatet på kveldssendinga måndag.

Her er eit tidlegare verk til inspirasjon. Legg merke til hest/ryttartemaet.