favorittar – Sport

La oss trampe på svenskane

ole rolfsrud — Mon, 18 Aug 2008 19:42:05 +0000

Dei svenske handballjentene er store i kjeften før oppgjeret mot Noreg. La oss slå tilbake. Svenskane er som fuglehundar på fjellet; ivrige, men retningssvake.

La oss svare med å utradere dei på bana, kline dei i parketten, gjere målvakta deira redd, spele dei tilbake til steinalderen.

Eg er trygg på at Marit Breivik sin kløkt vil lose dei norske handballjentene eit steg nærare ein OL-finale. Alt anna vil vere ein botnlaus nedtur.

Orda i kursiv er skrive før oppgjeret mot Sverige. Det var stort å banke dei. Noreg blir olympiske meistrar i handball!

Nippons overkvinner?

ole rolfsrud — Tue, 12 Aug 2008 11:47:38 +0000

Fotballjentene avsluttar gruppespelet mot Japan i ettermiddag. Marit Fiane Kristiansen har vore sjuk, men spelar frå start. Lene Mykjåland er inne i staden for Melissa Wiik. Kven har så langt vore best på det norske laget? Kor langt trur du jentene kan kome i meisterskapen? Eg trur dei kan «kuppa heile driden.»

Orda i kursiv over skreiv eg før avspark mot Japan. No er eg jammen ikkje sikker. Slik er det vel med «forståsegpåarar», ekstremt dårleg korttidshukommelse. KVA BØR JENTENE GJERE FOR Å NULLSTILLE?

F.v. Erika Skarbø, Lene Mykjåland, Lindy Melissa Wiik og Solveig Gulbrandsen.

Beste meisterskapslag i historien?

ole rolfsrud — Mon, 11 Aug 2008 07:12:23 +0000

Handballjentene er i ferd med å køyre over umeritterte Angola, men kor godt er eigentlig det norske laget? Unni Anisdahl fastslår at troppen er den beste Noreg har stilt med i ein meisterskap. Ho grunngjev dét med tilbakekomsten til Tonje Larsen og Kristine Lunde. Har det norske kvinnelandslaget i handball nokon gong stilt med ei sterkare tropp i ein meisterskap?