Kommentarer til: Fotballkrig på nettet!

Av: Kai Aage Pedersen

Kai Aage Pedersen — Wed, 18 Mar 2009 08:46:15 +0000

Hei! Premiumvarianten ser ut til å eksistera berre i annonsar! Dei brukar algoritmar til å rekna seg fram til kor storleiken på bandbreidda til kvar husstand – og i området der eg bur trur eg dei har brukt god gammaldags hesjestreng til å senda datatrafikken på. Når kalkulatoren har rekna seg ferdig blir det i alle fall fint lite att til meg:-)
Svend Arne! Trur du har rett i at det er denne type massebruk som vil tvinga fram utbygging!:-)

Av: Svend Arne Vee

Svend Arne Vee — Tue, 17 Mar 2009 19:43:40 +0000

Eg er ingen ekspert på området, men det har blitt meg fortalt at vi langt på veg kan takke pornoindustrien for internett sin framvekst og ekspansjon.

No ser det ut til at vi må lite på 11 hjulbeinte karar i kortbrok og med hårbøyler for å sikre framtidas fiberutbygging.

Det går med andre ord framover med verda – om enn smått.

Av: Arild Nybø

Arild Nybø — Tue, 17 Mar 2009 13:20:25 +0000

For oss «konsumentane» er det ikkje så viktig kven som viser kampane, så lenge kvaliteten er god. Men som du påpeikar kan det blir i trongaste laget på nettet når fleire vil vise det same.

Det er ikkje berre fotball som gjer at nettet korkar seg, og om eg av ein eller annan merkeleg grunn skulle ha blitt fotballinteressert, så kunne eg reist på jobben i Førde sentrum og sett kampen. Der er tilhøva bra, og Enivest kan levere fiber. Men nettbruken er stadig aukande, og kapasiteten har stått mykje i ro siste åra. Eg søkte for nokre dagar sidan om å få auka kapasiteten hos Telenor heime. Eg bur ca. 3,3 km frå næraste sentral.

Eg har i dag 3000/350 kbit.

Her er standardabonnementa hos Telenor:
Bredbånd Basis: 1500/400 kbit/s
Bredbånd Medium: 5000/500 kbit/s
Bredbånd Premium: 16000/800 kbit/s

Eg prøvde meg på Premium-varianten. I går fekk eg skriftleg svar hjå Telenor at eg ikkje kan få høgare fart enn eg har i dag, og at det er ingen planar som utbygging som gjer at kapasiteten blir betra. Det siste er det som skuffar mest, men eg er sjeleglad for at eg ikkje er avhengig av å sjå dei omtalte fotballkampane.

Av: Kai Aage Pedersen

Kai Aage Pedersen — Fri, 13 Mar 2009 07:52:00 +0000

Har kopar eg og, trass i at eg bur i dei mest folkerike områda i fylket. Humpar og går, og havnar i endelause telefonkøar når eg ringer og spør korleis det blir med fiberutbygging.
Alle kampane i 1. div skal visast på NRK sin Nett-TV. Vi jobbar på spreng med å få ferdig teknikken – og brukar mange millionar kroner på dette, så dette skal ingen få stoppa:-)

Av: Thomas Strømmen Ask

Thomas Strømmen Ask — Thu, 12 Mar 2009 15:41:09 +0000

Det er supert at NRK skal vise kamper fra 1 divisjon gratis, gledar meg til å få sjå bortekampane til Sogndal. Håper at fotballforbundet innser at krava fra VG og TV2 er tåplige.

Av: Svein Ølnes

Svein Ølnes — Thu, 12 Mar 2009 11:37:22 +0000

Nei, det er heilt rett av NRK å senda dette gratis. Og det er ikkje NRK sitt problem om nettet bryt saman, det er først og fremst Telenor sitt. No vil me tydeleg få sjå resultatet av mange års forsømmelse av nettutbygging!

Og det er «last mile» som er flaskehalsen. Telenor gjer det same som med ISDN; tyner teknologien til siste dråpen og vel så det. No er det koparnettet som skal mjelkast for dei siste dråpane, då dei heller skulle vore i full sving med fiberlegging heilt ut til abonnentane.

Difor er det bra at dette blir synleggjort, av NRK og andre.