Sosial trening kan bety to ting:
Det eine er å lære folk å seie takk for maten, og korleis ein oppfører seg for at andre skal halde ut med ein.
Det andre er å sykle tandemsykkel.
Fort seks år sidan kjøpte eg ein tandemsykkel. Den var sølvgrå, og av merket TREK. Fargen, og farten, gjorde at folk på Viksdalen ga den eit navn.
– Sjå dar, dar kjem Sølvpilen, sa dei gjerne, når eg nærma meg. Nokre fekk det med seg, andre ikkje. Det kom litt an på kor kjappe dei var i oppfattelsen. Dette fekk Lance Armstrong høyre om, og det syntes han var så kult at han gjekk hen og kjøpte seg ein TREK-sykkel, han og. Hermegåsa.
Men kan du ha det bedre, enn å trakke opp ein lang bakke, med ei vakker kvinne på setet bak deg, som pustar heitt og tungt i nakken din?